МУБИС “ДУСАЛ ЦУС, ДҮҮРЭН АМЬДРАЛ” АЯН

МУБИС, Цус сэлбэлт судлалын үндэсний төвтэй хамтран хүмүүнлэгийн үйлсийг түгээн дэлгэрүүлэх, цусны донорын эгнээг өргөжүүлэх, нийгмийн хариуцлагынхаа хүрээнд “Дусал цус, дүүрэн амьдрал” аянд нэгдлээ.

Цусны донорын өдөрлөгийн нээлтийн үйл ажиллагааг МУБИС-ийн Төв номын сангийн 3 давхарт болж, сургуулийн хамт олон, оюутнууд аянд нэгдэж, цусаа хандивлаж эхэллээ. 

Уг арга хэмжээг МУБИС-ийн Оюутны хөгжлийн албанаас зохион байгуулж, Мэдээллийн технологийн албаны дарга Ц.Энхбат, Эрдэм шинжилгээ, инновацын албаны дарга Я.Шийлэгмаа нар оролцлоо. МУБИС-ийн багш, ажилтан, оюутнуудаас олон удаагийн давтамжтай цусаа хандивласан эрхэм донор МБУС-ийн оюутны хөгжлийн арга зүйч Б.Санжаа ЦССҮТ-өөс талархал илэрхийлэн ивээн тэтгэгч байгууллагуудын гарын бэлгийг гардуулсан. 

Тухайн аян 2022.09.19,20,21-ны өдрүүдэд МУБИС-ийн Төв номын сангийн 3 давхарт зохион байгуулагдах бөгөөд багш, ажилтан, оюутан залуус та бүхнийг хүнлэг энэрэнгүй сэтгэлээр идэвхтэй оролцохыг уриалж байна. МБУС-ийн 35 оюутан сайн дураараа цусаа хандивлаж оролцлоо.